Benvignûts intal Museu etnografic di Lusevare, istituît intal 1973 dai socis dal Centri Ricercjis Culturâls di Lusevare, une des primis associazions slovenis de provincie di Udin.
Il Museu al è intai ambients di chê che e jere la latarie turnarie dal paîs, sierade dopo dal taramot dal 1976. Il comun di Lusevare al à viodût dai lavôrs di ristruturazion dal stabil intant che il Goriški muzej di Nova Gorica al à restaurât i ogjets de esposizion. Tai mûrs a son picjâts panei cui scrits di Alessandra Molaro Ferrari, nassude a Casalpusterlengo in Provincie di Milan intal 1892 e che e jere vignude a stâ a Cesariis/Podbardo intal 1916 par insegnâ te scuele elementâr. La mestre Ferrari e je restade inmagade de vite de int slovene de alte Tor e, intal 1964, e à scrit la monografie “L’Alta Val Torre” notant tantis contis sui lûcs, su la int e su la culture de val.
Il Museu al à ancje un spazi multifunzionâl dulà che si tegnin lis lezions di musiche de Glasbena matica, il centri musicâl de minorance slovene, lis provis dal otet masculin Barski oktet e cors di lenghe slovene.